គោលការណ៍ឯកជនភាព

គ្រឹះស្ថានមីក្រូហិរញ្ញវត្ថុ អិលអេសភីឌី ម.ក (“LSPD”, “យើង”, “របស់យើង” ឬ “ពួកយើង”) គោរពយ៉ាងម៉ឺងម៉ាត់នូវឯកជនភាពរបស់លោកអ្នកនិងប្តេជ្ញាការពាររាល់ព័ត៌មានផ្ទាល់ខ្លួន (“ព័ត៌មាន”) ដែលលោកអ្នកផ្តល់ឱ្យ នៅពេលប្រើប្រាស់គេហទំព័ររបស់យើងខ្ញុំ (“គេហទំព័រ”)។

គោលការណ៍ឯកជនភាពនេះពន្យល់អំពីរបៀបដែលយើងខ្ញុំប្រមូល ប្រើប្រាស់ បង្ហាញ និងការពារព័ត៌មានរបស់លោកអ្នក។ តាមរយៈការចូលទៅប្រើប្រាស់គេហទំព័រនេះ លោកអ្នកយល់ព្រមគោរពតាមលក្ខខណ្ឌនៃគោលការណ៍ឯកជនភាពនេះ។ LSPD រក្សាសិទ្ធិក្នុងការធ្វើបច្ចុប្បន្នភាពគោលការណ៍នេះនៅពេលណាក៏បាន ដោយពុំចាំបាច់ជម្រាបជូនដំណឹងជាមុន។

ការប្រមូល និងការប្រើប្រាស់ព័ត៌មាន

គេហទំព័ររបស់យើងអាចនឹងរួមបញ្ចូលមុខងារប្រមូលទិន្នន័យផ្ទាល់ខ្លួនរបស់លោកអ្នក សម្រាប់គោលបំណងដូចជា ការដាក់ពាក្យស្នើសុំតាមអនឡាញ ការសាកសួរព័ត៌មានសេវាកម្ម ឬមតិរិះគន់ស្ថាបនា។ ប្រភេទទិន្នន័យដែលយើងអាចនឹងប្រមូលរួមមាន៖

• ឈ្មោះពេញ
• ភេទ
• ថ្ងៃខែឆ្នាំកំណើត
• លេខសម្គាល់អត្តសញ្ញាណ (អត្តសញ្ញាណប័ណ្ណ លិខិតឆ្លងដែន សៀវភៅគ្រួសារ)
• ព័ត៌មានទំនាក់ទំនង (លេខទូរស័ព្ទ អ៊ីមែល អាសយដ្ឋាន)
• ស្ថានភាពអាពាហ៍ពិពាហ៍
• មុខរបរ និងព័ត៌មានលម្អិតអំពីប្រាក់ចំណូល

ទិន្នន័យទាំងនេះត្រូវបានប្រើសម្រាប់គោលបំណងកំណត់អត្តសញ្ញាណ ការវាយតម្លៃបឋម ការទំនាក់ទំនង និងការកែលម្អសេវាកម្មតែប៉ុណ្ណោះ។ យើងមិនចែករំលែកព័ត៌មានផ្ទាល់ខ្លួនរបស់លោកអ្នកទៅកាន់តតិយភាគីឡើយលើកលែងតែត្រូវតម្រូវដោយច្បាប់ ឬបទប្បញ្ញត្តិជាធរមាន។ ប្រសិនបើលោកអ្នកជ្រើសរើសមិនផ្តល់ទិន្នន័យផ្ទាល់ខ្លួន លោកអ្នកមិនអាចចូលប្រើសេវាកម្មមួយចំនួនបានទេ រួមទាំងដំណើរការដាក់ពាក្យស្នើសុំបឋមផងដែរ។

សេចក្ដីប្រកាសបដិសេធ

គេហទំព័រនេះត្រូវបានផ្តល់ជូន “តាមស្ថានភាពជាក់ស្តែង” ដោយគ្មានការធានាឡើយទោះបីជាការបញ្ជាក់ច្បាស់លាស់ ឬដោយប្រយោលក៏ដោយ។ LSPD មិនធ្វើការធានាអំពីភាពត្រឹមត្រូវ ភាពពេញលេញ ឬភាពជឿជាក់នៃខ្លឹមសារ និងឯកសារនានានៅលើគេហទំព័រនេះឡើយ។

ខ្លឹមសារនៅលើគេហទំព័រនេះ មិនមែនជាការផ្តល់ប្រឹក្សាផ្នែកហិរញ្ញវត្ថុ ច្បាប់ ឬវិជ្ជាជីវៈឡើយ។ អ្នកប្រើប្រាស់ត្រូវបានលើកទឹកចិត្តឱ្យស្វែងរកការប្រឹក្សាឯករាជ្យមុនពេលធ្វើការសម្រេចចិត្តណាមួយដោយផ្អែកលើខ្លឹមសារនៃគេហទំព័រនេះ។

ការបញ្ចេញព័ត៌មាន

LSPD អាចនឹងបង្ហាញទិន្នន័យផ្ទាល់ខ្លួនរបស់លោកអ្នកក្នុងករណីដូចខាងក្រោម៖

• តាមការទាមទាររបស់ច្បាប់ បទប្បញ្ញត្តិ ឬអាជ្ញាធររដ្ឋាភិបាល។
• ផ្តល់ទៅកាន់តតិយភាគី ដូចដែលបានអនុញ្ញាតក្នុងមាត្រា ៨ នៃប្រកាសស្តីពីការរាយការណ៍ឥណទាន។
• ផ្តល់ជូនបុគ្គលិកផ្ទៃក្នុងសម្រាប់គោលបំណងប្រតិបត្តិការ។
• សម្រាប់ដំណើរការនីតិវិធីច្បាប់ ការស៊ើបអង្កេត ឬការធ្វើសវនកម្ម។

យើងខ្ញុំចាត់វិធានការសមស្រប ដើម្បីធានាថាទិន្នន័យរបស់លោកអ្នកត្រូវបានការពារពីការចូលប្រើប្រាស់ដោយគ្មានការអនុញ្ញាត ឬការប្រើប្រាស់ខុសគោលដៅ។

ទំនួលខុសត្រូវរបស់អ្នកប្រើប្រាស់

ខណៈដែល LSPD អនុវត្តវិធានការសុវត្ថិភាពយ៉ាងម៉ឹងម៉ាត់ អ្នកប្រើប្រាស់ទទួលស្គាល់ថា ការប្រើប្រាស់អ៊ីនធឺណិតតែងតែមានហានិភ័យ រួមទាំងមេរោគកុំព្យូទ័រ ឬការលួចចូលប្រើប្រាស់ដោយគ្មានការអនុញ្ញាត។ អ្នកប្រើប្រាស់ត្រូវបានណែនាំឱ្យប្រើកម្មវិធីការពារមេរោគ (Antivirus) និង Firewall ដើម្បីការពារឧបករណ៍ និងទិន្នន័យរបស់លោកអ្នក។

កម្រិតនៃការទទួលខុសត្រូវ

LSPD មិនទទួលខុសត្រូវចំពោះការខូចខាតដោយផ្ទាល់ ដោយប្រយោល ដោយចៃដន្យ ឬដោយជាលទ្ធផលណាមួយ ដែលកើតឡើងពីការប្រើប្រាស់គេហទំព័រនេះទេ រួមទាំងការលេចធ្លាយទិន្នន័យ ឬការចូលប្រើប្រាស់ដោយគ្មានការអនុញ្ញាតឡើយ។

បទប្បញ្ញត្តិមិនអាចអនុវត្តបាន

ប្រសិនបើផ្នែកណាមួយនៃគោលការណ៍នេះត្រូវបានចាត់ទុកថាមិនអាចអនុវត្តបានតាមច្បាប់ដែលស័ក្តិសមនោះ បទប្បញ្ញត្តិដែលនៅសល់នឹងនៅតែមានសុពលភាពពេញលេញ។

សេចក្តីជូនដំណឹងអំពីឯកជនភាពរបស់អតិថិជន

សេចក្ដីជូនដំណឹងនេះ ពន្យល់ពីរបៀបដែល LSPD ប្រមូល ប្រើប្រាស់ និងចែករំលែកទិន្នន័យផ្ទាល់ខ្លួនរបស់លោកអ្នក នៅពេលលោកអ្នកប្រើប្រាស់សេវាកម្មរបស់យើងខ្ញុំ រួមទាំងទម្រង់ដាក់ពាក្យស្នើសុំ កម្មវិធីទូរស័ព្ទ និងគេហទំព័រ។

សិទ្ធិរបស់លោកអ្នក

លោកអ្នកមានសិទ្ធិ៖

• ស្នើសុំកែប្រែ ឬធ្វើបច្ចុប្បន្នភាពទិន្នន័យផ្ទាល់ខ្លួនរបស់លោកអ្នក។
• ផ្តល់មតិយោបល់ ឬដាក់ពាក្យបណ្ដឹងតាមរយៈលេខទូរស័ព្ទ Hotlines ប្រអប់មតិ ឬបណ្ដាញផ្លូវការផ្សេងៗទៀត។

ការចែករំលែកទិន្នន័យ

យើងអាចនឹងចែករំលែកទិន្នន័យរបស់លោកអ្នកជាមួយ៖

• គ្រឹះស្ថានផ្តល់សេវាហិរញ្ញវត្ថុ សម្រាប់គោលបំណងប្រតិបត្តិការ។
• ក្រុមហ៊ុនធានារ៉ាប់រង។
• និយោជក ឬភាគីពាក់ព័ន្ធសម្រាប់គោលបំណងផ្ទៀងផ្ទាត់។
• អ្នកផ្តល់សេវារបាយការណ៍ឥណទាន (CRSP) តាមមាត្រា ៩ នៃប្រកាសស្តីពីការរាយការណ៍ឥណទាន (ចុះថ្ងៃទី២៦ មិថុនា ២០២០)។
• អាជ្ញាធរផ្លូវច្បាប់ នៅពេលត្រូវបានទាមទារ។

សូមទាក់ទងយើងខ្ញុំ